(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 144

॥ శ్రీః ॥
1.144. అధ్యాయః 144
Mahabharata - Adi Parva - Chapter Topics
కుమారాణాం అస్త్రశిక్షాపరీక్షార్థం రంగనిర్మాణం॥ 1 ॥
శిక్షాదర్శనార్థం భీష్మాదీనాం ప్రేక్షాగారప్రవేశః॥ 2 ॥
యుధిష్ఠిరాదీనాం పరీక్షా॥ 3 ॥
భీమదుర్యోధనయోః గదాయుద్ధపరీక్షా॥ 4 ॥
Mahabharata - Adi Parva - Chapter Text
వైశంపాయన ఉవాచ। 1-144-0x(855)(6539)
కృతాస్త్రాంధార్తరాష్ట్రాంశ్చ పాండుపుత్రాంశ్చ భారత।
దృష్ట్వా ద్రోణోఽబ్రవీద్రాజంధృతరాష్ట్రం జనేశ్వరం॥ 1-144-1(6540)
కృపస్య సోమదత్తస్య వాహ్లీకస్య చ ధీమతః।
గాంగేయస్య చ సాన్నిధ్యే వ్యాసస్య విదురస్య చ॥ 1-144-2(6541)
రాజన్సంప్రాప్తవిద్యాస్తే కుమారాః కురుసత్తమ।
తే దర్శయేయుః స్వాం శిక్షాం రాజన్ననుమతే తవ॥ 1-144-3(6542)
తతోఽబ్రవీన్మహారాజః ప్రహృష్టేనాంతరాత్మనా। 1-144-4(6543)
ధృతరాష్ట్ర ఉవాచ।
భారద్వాజ మహత్కర్మ కృతం తే ద్విజసత్తమ॥ 1-144-4x(856)
యదానుమన్యసే కాలం యస్మిందేశే యథాయథా।
తథాతథా విధానాయ స్వయమాజ్ఞాపయస్వ మాం॥ 1-144-5(6544)
స్పృహయాంయద్య నిర్వేదాన్పురుషాణాం సచక్షుషాం।
అస్త్రహేతోః పరాక్రాంతాన్యే మే ద్రక్ష్యంతి పుత్రకాన్॥ 1-144-6(6545)
క్షత్తర్యద్గురురాచార్యో బ్రవీతి కురు తత్తథా।
న హీదృశం ప్రియం మన్యే భవితా ధర్మవత్సల॥ 1-144-7(6546)
తతో రాజానమామంత్ర్య విదురానుమతోపి హి।
భారద్వాజో మహాప్రాజ్ఞో మాపయామాస మేదినీం॥ 1-144-8(6547)
సమామవృక్షాం నిర్గులమాముదక్ప్రవణసంస్థితాం।
తస్యాం భూమౌ బలిం చక్రే తిథౌ నక్షత్రపూజితే॥ 1-144-9(6548)
అవఘుష్టం పురం చాపి తదర్థం భరతర్షభ।
రంగభూమౌ సువిపులం శాస్త్రదృష్టం యథావిధి॥ 1-144-10(6549)
ప్రేక్షాగారం సువిహితం చక్రస్తే తస్య శిల్పినః।
రక్షాం సర్వాయుధోపేతాం స్త్రీణాం చైవ నరర్షభ॥ 1-144-11(6550)
మంచాంశ్చ కారయామాసుర్యత్ర జానపదా జనాః।
విపులానుచ్ఛ్రయోపేతాఞ్శిబికాశ్చ మహాధనాః॥ 1-144-12(6551)
తస్మింస్తతోఽహని ప్రాప్తే రాజా ససచివస్తదా।
`సాంతఃపురః సహామాత్యో వ్యాసస్యానుమతే తదా।'
భీష్మం ప్రముఖతః కృత్వా కృపం చాచార్యసత్తమం॥ 1-144-13(6552)
`బాహ్లీకం సోమదత్తం చ భూరిశ్రవసమేవ చ।
కురూనన్యాంశ్చ సచివానాదాయ నగరాద్బహిః॥ 1-144-14(6553)
రంగభూమిం సమాసాద్య బ్రాహ్మణైః సహితో నృపః॥' 1-144-15(6554)
ముక్తాజాలపరిక్షిప్తం వైదూర్యమమిశోభితం।
శాతకుంభమయం దివ్యం ప్రేక్షాగారముపాగమత్॥ 1-144-16(6555)
గాంధారీ చ మహాభాగా కుంతీ చ జయతాం వర।
స్త్రియశ్చ రాజ్ఞః సర్వాస్తాః సప్రేష్యాః సపరిచ్ఛదాః॥ 1-144-17(6556)
హర్షాదారురుహుర్మంచాన్మేరుం దేవస్త్రియో యథా।
బ్రాహ్మణక్షత్రియాద్యం చ చాతుర్వర్ణ్యం పురాద్ద్రుతం॥ 1-144-18(6557)
దర్శనేప్సుః సమభ్యాగాత్కుమారాణాం కృతాస్త్రతాం।
క్షణేనైకస్థతాం తత్ర దర్శనేప్సుర్జగామ హ॥ 1-144-19(6558)
ప్రవాదితైశ్చ వాదిత్రైర్జనకౌతూహలేన చ।
మహార్ణవ ఇవ క్షుబ్ధః సమాజః సోఽభవత్తదా॥ 1-144-20(6559)
తతః శుక్లాంబరధరః శుక్లయజ్ఞోపవీతవాన్।
శుక్లకేశః సితశ్మశ్రుః శుక్లాల్యానులేపనః॥ 1-144-21(6560)
రంగమధ్యం తదాచార్యః సపుత్రః ప్రవివేశ హ।
నభో జలధరైర్హీనం సాంగారక ఇవాంశుమాన్॥ 1-144-22(6561)
వ్యాసస్యానుమతే చక్రే బలిం బలవతాం వరః।
బ్రాహ్మణాంస్తు సుమంత్రజ్ఞాన్కారయామాస మంగలం॥ 1-144-23(6562)
`సువర్ణమణిరత్నాని వస్త్రాణి వివిధాని చ।
ప్రదదౌ దక్షిణాం రాజా ద్రోణాయ చ కృపాయ చ॥' 1-144-24(6563)
సుఖపుణ్యాహఘోషస్య పుణ్యస్య సమనంతరం।
వివిశుర్వివిధం గృహ్య శస్త్రోపకరణం నరాః॥ 1-144-25(6564)
తతో బద్ధాంగులిత్రాణా బద్ధకక్ష్యా మహారథాః।
బద్ధథూణాః సధనుషో వివిశుర్భరతర్షభాః॥ 1-144-26(6565)
`రంగమధ్యే స్థితం ద్రోణమభివాద్య నరర్షభాః।
చక్రుః పూజాం యథాన్యాయం ద్రోణస్య చ కృపస్య చ॥ 1-144-27(6566)
ఆశీర్భిశ్చ ప్రయుక్తాభిః సర్వే సంహృష్టమానసాః।
అభివాద్య పునః శస్త్రాన్బలిపుష్పైః సమర్చితాన్॥ 1-144-28(6567)
రక్తచందనసంమిశ్రైః స్వయమర్చంతి కౌరవాః।
రక్తచందనదిగ్ధాశ్చ రక్తమాల్యానుధారిణః॥ 1-144-29(6568)
సర్వే రక్తపతాకాశ్చ సర్వే రక్తాంతలోచనాః।
ద్రోణేన సమనుజ్ఞాతా గృహ్య శస్త్రం పరంతపాః॥ 1-144-30(6569)
ధనూంషి పూర్వ సంగృహ్య తప్తకాంచనభూషితాః।
సజ్యాని వివిధాకారాః శరైః సంధాయ కౌరవా॥ 1-144-31(6570)
జ్యాఘోషం తలఘోషం చ కృత్వా భూతాన్యమోహయన్॥' 1-144-32(6571)
అనుజ్యేష్ఠం చ తే తత్ర యుధిష్ఠిరపునరోగమాః।
చక్రురస్త్రం మహావీర్యాః కుమారాః పరమాద్భుతం॥ 1-144-33(6572)
`కేషాంచిత్తత్ర మాల్యేషు శరా నిపతితా నృప।
కేషాంచిత్పుష్పముకుటే నిపతంతి స్మ సాయకాః॥ 1-144-34(6573)
కేచిల్లక్ష్యాణి వివిధైర్బాణైరాహితలక్షణైః।
బిభిదుర్లాఘవోత్సృష్టైర్గురూణి చ లఘూని చ॥' 1-144-35(6574)
కేచిచ్ఛరాక్షేపభయాచ్ఛిరాంస్యవననామిరే।
మనుజా ధృష్టమపరే వీక్షాంచక్రుః సువిస్మితాః॥ 1-144-36(6575)
తే స్మ లక్ష్యాణి బిభిదుర్బాణైర్నామాంకశోభితైః।
వివిధైర్లాఘవోత్సృష్టైరుహ్యంతో వాజిభిర్ద్రుతం॥ 1-144-37(6576)
తత్కుమారబలం తత్ర గృహీతశరకార్ముకం।
గంధర్వనగరాకారం ప్రేక్ష్య తే విస్మితాభవన్॥ 1-144-38(6577)
సహసా చుక్రుశుశ్చాన్యే నరాః శతసహస్రశః।
విస్మయోత్ఫుల్లనయనాః సాధుసాధ్వితి భారత॥ 1-144-39(6578)
కృత్వా ధనుషి తే మార్గాన్రథచర్యాసు చాసకృత్।
గజపృష్ఠేఽశ్వపృష్ఠే చ నియుద్ధే చ మహాబలాః॥ 1-144-40(6579)
గృహీతఖడ్గచర్మాణస్తతో భూయః ప్రహారిణః।
త్సరుమార్గాన్యథోద్దిష్టాంశ్చేరుః సర్వాసు భూమిషు॥ 1-144-41(6580)
లాఘవం సౌష్ఠవం శోభాం స్థిరత్వం దృఢముష్టితాం।
దదృశుస్తత్ర సర్వేషాం ప్రయోగం ఖడ్గచర్మణోః॥ 1-144-42(6581)
అథ తౌ నిత్యసంహృష్టౌ సుయోధనవృకోదరౌ।
అవతీర్ణౌ గదాహస్తావేకశృంగావివాచలౌ॥ 1-144-43(6582)
బద్ధకక్ష్యౌ మహాబాహూ పౌరుషే పర్యవస్థితౌ।
బృంహంతౌ వాసితాహేతోః సమదావివ కుంజరౌ॥ 1-144-44(6583)
తౌ ప్రదక్షిణసవ్యాని మండలాని మహాబలౌ।
చేరతుర్మండలగతౌ సమదావివ కుంజరౌ॥ 1-144-45(6584)
విదురో ధృతరాష్ట్రాయ గాంధార్యాః పాండవారణిః।
న్యవేదయేతాం తత్సర్వం కుమారాణాం విచేష్టితం॥ ॥ 1-144-46(6585)

ఇతి శ్రీమన్మహాభారతే ఆదిపర్వణి సంభవపర్వణి చతుశ్చత్వారింశదధికశతతమోఽధ్యాయః॥ 144 ॥

Mahabharata - Adi Parva - Chapter Footnotes
1-144-19 దర్శనేప్సుః జన ఇతి శేషః॥ 1-144-22 అంశుమాన్ చంద్రః॥ 1-144-38 గంధర్వనగరాకారమద్భుతరూపం॥ 1-144-43 సంహృష్టౌ పరస్పరం జేతుం సకామౌ॥ 1-144-44 బృంహంతౌ శబ్దం కుర్వాణౌ। వాసితా హస్తినీ॥ 1-144-45 మండలగతాబలాతచక్రవద్భ్రాంయమాణగదాపరివేషాంతర్గతౌ॥ 1-144-46 పాండవారణిః కుంతీ॥ చతుశ్చత్వారింశదధికశతతమోఽధ్యాయః॥ 144 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.